حاج سلیم موذن زاده

یا حسین فدا سنون

13563
200
یا حسین فدا سنون روح انقلابوه
شیعه لرده سس ورور آتشین خطابوه

قانون آخدی ظلملن شوره زاره حق یازوب
قلبوون قانی یره خالق و فلق یازوب

علتی قیامونی قان ورق ورق یازوب
باش اگوب جهانی یان یازدیقون کتابوه

باتدی قانه شوقیله بیر به بیر کمکلرون
پیشتاز نهضتون اولدی اول اکبرون

آبیاری ایلدی نخل دینی اصغرون
بویوردی ایلیوبسن فکری باجون گوی زینبوم گلسین

دگورسن سن مگر الله قائل
معاده ایله بیر فکر اساسی
اشید منن بو ارزنده کلامی

کیمون پاک اولسا عالمده مرامی
مناجات اوستا اولدورمز امامی

فشاره سالما سینمده یارامی
باشیمنان ال گوتور چوخ دور یاراسی

باشون اوستونده ناظیر دور الهی
بابام احمد بو احواله گواهی

آنام زهرا چکور آه اوستن آهی
حسین معصومیدور یوخدور گناهی

منیم روحیمدی قرآن آشناسی
تبسم ایلورم سن ظالم اسمه

تعدی ایلمه آیین و رسمه
اوتان بیر باشیمی لب تشنه کسمه

دایان زینبده گلسون چوخ تلسمه
قیامه گوز تیکوب الله فداسی

انیبدی تلیدن خاتون والا
گروبدی شیمری الده تیغ بران

اوزاخدان سسلدی یا شیمر دعنا
چوخور یرده قیامت اولدی برپا

دایان آماندی دایان آرزوسینه یتیریم
گدیم بالالارینی باشی اوستونه گتیریم

دایان آماندی دایان قویما سوز غمله یانوم
اوقدری کسمه باشون بیرده باشینه دولانوم

زینب چکیل کناریده دور اللرون گوزون اوسته
چکیلمسون کسرم باشینی دیزیم اوسته

تیفاقیمی قوشون داغیتدی الله
سوتون خیمه یاندی یاتدی الله

اولدوزلاریم چیخیبدی محورینن
هچ بیلمدیم هایاندا باتدی الله

جلالیمی عدو الیمنن آلدی
بلالی باشیمی بلایه سالدی

حسینیمین گولون ایتیرمیشم من
گوزل بالام روقیم هاردا قالدی

موج بلا گلوب آشوب باشیمنان
دینجلمدی بو گوزلر گوز یاشیمنان

الله رحم ائت ئولوب ایتن اولماسون
شرمنده اولمیوم من قارداشیمنان

من زینبم الیم الدن اوزولدی
صف عشقه قارداشلاریم دوزولدی

اولدوزلار رسمیدور گجه سوزللر
منیم اولدوزلاریم گونوز سوزولدی

من زینبم گرک دردیم یاد اولسون
خدمت ائدون روحیم سیزدن شاد اولسون

حاجیلار مکه ده قربان کسنده
منیم قربانلاریم ناندا آد اولسون

نظرات

نظری وجود ندارد !

لیست پخش