چوخ بیوک بیر کشتی دی

چوخ بیوک بیر کشتی دی ؛ دولماز حسینون کشتی سی ..
قورخما هِچ دریاده غرق اولماز حسینون کشتی سی ...
ایلیوب اذعان بونا نوح نبی الله ئوزی ...
غرق اولان وقته اونوندا کربلادِیدی گوزی ...
ساحله یول تاپدی تِز چون ، یا حسین اولدی سوزی ...
دوشدی بیر دریا یه کی قان موج ایدوردی (اِدَردی) هر یانا ...
اولدی ناجی قویمادی دامان اسلام ایسلانا ...
سَنده سعی ایله حسین مصباحی قلبینده یانا ...
ای حسین سربازی پاکیزه نهادون حفظ ایله ...
هر زمان روحیّه‌ی عشقِ جهادون حفظ ایله ...
اعتماد ایت (اِت) کربلایه اعتقادون حفظ ایله ...
بو حسین کشتی سی سانما ، ناخداسیز کشتی دی ...
ناخداسی عشقیدی والله بلاسیز کشتی دی ...
بوردا شاهیله گدا بیردی ریاسیز کشتی دی ...
حضرت صادق بیوردی صاحب علم رفیع ...
بیزده کشتی نجاتوخ خلقه محشرده شفیع ...
لیک کشتی سی حسینون تندرودی هم وسیع ...
هربلا گلسه مریضلیق گلسه وحشت ایلمه ...
حفظ جان واجبدی اما گوزله غفلت ایلمه ...
یا حسین دِ؛ اوزگیه عرض ارادت ایلمه ...
حکم عقلانی بودور جبران مافات ایلیاخ ...
هرنه دستور ولایتدی مراعات ایلیاخ ...
شیعه لیخ شخصییَتین دنیایه اثبات ایلیاخ ...
بو قارا پرچملر اثبات ایلور عشقین عزتین ...
هیچ اَبَر قدرت یخا بیلمیز حسینون ملتین ...
بو حسین عالملرین تضمین ایدر امنیتین ...