وای عموغلی جان عموغلی

(وای عم غلی، جان عم اوغلی
من سنه قوربان عم اوغلی)3

حیجله سرا تالان اولدی
گلین‌لیگیم یالان اولدی

اوستومه آد قویوب گئتدین
(دردین منه قالان اولدی)2

فلک سنه کمند آتدی
اولادی آرزیا چاتدی

سنین آدون دیله دوشدو
(اما منیم آدیم باتدی)2

(وای عم غلی، جان عم اوغلی
من سنه قوربان عم اوغلی)2

اورگیمده سوزوم قالدی
نه قلبیمده دوزوم قالدی

کج باخیب آیریلاندا سن
گوزلروندا گوزوم قالدی

(وای عم غلی، جان عم اوغلی
من سنه قوربان عم اوغلی)2

چاغماغینی فلک چاخدی
گوگده بیر ایلدیریم شاخدی

چوخلار آیدینلیغا چیخدی
(منیم بخت اولدوزوم آخدی)2

(باغریم اولوب قان عم اوغلی)2
گوزلره قربان عم اوغلی

(وای عم غلی، جان عم اوغلی
من سنه قوربان عم اوغلی)2

(گلین قیز آینی یا باخار)2
(زولفین هورَریاشماخ تاخار)2

هانسی گلین منیم کیمین
اَلینه قان حنا یاخار

(وای عم غلی، جان عم اوغلی
من سنه قوربان عم اوغلی)2

(سالدی منی بلا جاندان)2

(وای عم غلی، جان عم اوغلی
من سنه قوربان عم اوغلی)2

(سالدی منی بلا جاندان)2
ظلم و جفای دوراندان

بزندی توی گونو سنین
آغ کوینگین قیزیل قاننی

خوش گونو نینرم سن‌سیز
گول بئجرم درم سن‌سیز

چتین گوره ائل قبیلهم
زولفلریمی هورم سن‌سیز

(وای عم غلی، جان عم اوغلی
من سنه قوربان عم اوغلی)2

داغیلدی ائللریم گئتدی
سویولدوم زیوریم گئتدی

سندن قالان نشانیدی
گلین لیک معجریم گئتدی

آهیم الوودان سئچیلمز
دردیم اورکدن بیچیلمز

سنده منی گوزدن آتسون
عشقون اورکدن کیچیلمز

کوفیه گلدی قطاریم
سارالدی گول تک عذاریم

قانلی باشون جدا اوسته
اولدو منیم هم جواریم

(وای عم غلی، جان عم اوغلی
من سنه قوربان عم اوغلی)2

منه دشمن ال چالاندا
جان قویمادی غم بو جاندا

تاری بیلیر نه چکمیشم
نی ده باشون داشلاناندا

گلستاندا تکان بیتدی
گوزل یاریم گوزدن ایتدی

دویولمکدن یورولمازدیم
منی شماتت اینجیتدی

(وای عم غلی، جان عم اوغلی
من سنه قوربان عم اوغلی)2

(داشلانیب چرخین جفاسی
دردیمین یوخدور داواسی)3

هر یارایا مرهم اولسا
(ساغالماز هئچ دیل یاراسی)2

اووچو کمانه اوخ تاخار
جیران قاچار دونر باخار

(تانیش داشی اوخدان بتر)2
(هم گوینهدر هم ائو ییخار)2

(وای عم غلی، جان عم اوغلی
من سنه قوربان عم اوغلی)2

قیشده قوپار دومان یئردن
اورگ یانار یامان یئردن

کوسمگه حقلی‌سن مندن
کونول کوسر اومان یئردن

هیجر اوتی دیلدن اسکیلمز
قصه توزون اوزگه سیلمز

(آداخلی سی اولن گلین
هئچ قاپینی دویه بیلمز)2

(وای عم غلی، جان عم اوغلی
من سنه قوربان عم اوغلی)2

هیجر اوتی دیلدن اسکیلمز
قصه توزون اوزگه سیلمز

آداخلی سی اولن گلین
(هئچ قاپینی دویه بیلمز)2

غم منی زینهاره گتدی
آغ گونومو قارا گتدی

فلک قولومو باغلادی
مجلسی میخاره گتدی

هامی یارین عزیز ایستر
گلین گئدهن جهیز ایستر

گوزلروننان ایراق اولسون
دشمن منی کنیز ایستر

(وای عم غلی، جان عم اوغلی
من سنه قوربان عم اوغلی)2

آخار سودا بالیق اوزر
آی باتاندا اولدوز سوزر

توی گورمین یاسلی گلین
کنیزلیگه نئجه دوزر

بو چرخ سفله و دنی
بلادن اینجیدیب منی

دشمن ائوینده گوزلریم
قورخا قورخا گزر سنی

(باغلار قالیب سئل آلتیندا)2
سنبل سینیب یئل آلتیندا

باغریم قان اولدو آزگلنن
قانه باتان تئل آلتیندا

(وای عم غلی، جان عم اوغلی
من سنه قوربان عم اوغلی)2