من ابوالفضل حیدرم اوجا قامت دلاورم

من ابوالفضل حیدرم اوجا قامت دلاورم ...
یولومون اوسته کیم دورا  اصغره قربان کسرم ...
لشگره تیغ شررباری بوساعت چکرم ...
نار نیرانه سپاهی اولا فرصت چکرم ...
ابن سعدی سالارام آت دوشونه بی پروا ...
بوینونا تیغیمله طوق مذلت چکرم ...
یا که قبرین قازارام گورمیه هیچ ری ملکون ...
اوزونه لشگرینه حیدری صولت چکرم .‌‌..
من ابوالفضل حیدرم اوجا قامت دلاورم ...
یولومون اوسته کیم دورا اصغره قربان کسرم ...
باشینی ترپدنین باشینی من سندیرام ...
یاعلی نعره سی وردقجادا  ضربت چکرم ...
توکرم نعشیلری نعشیلر اوسته یره من ...
نعشیلردن یولا دیوار حفاظت چکرم ...
کوفه ده ابن زیادین اوزرم  جُبَّه سینی ‌...
تختون اوستن یره ای روح عدالت چکرم ...
بیله لر حمله دی قصدیم داغیلار کوفه لیلر ...
خرمن عمرلرین من اوتا حضرت، چکرم ...
دال دالا ویرساق اگر داغلاری بیز سندیروق ...
من رکابونده قلج  ویرماقلقا لذّت چکرم ...
سندن  ئورگشمیشم ای شاه فنون جنگی ...
سنده شمشیر علی واردی من حسرت چکرم ...
کوفه و شامه مسخر ادرم اذن اولسا ...
ظالمه تیغیمی من ائتمیشم عادت چکرم ...
من ابوالفضل حیدرم اوجا قامت دلاورم ...
یولومون اوسته کیم دورا  اصغره قربان کسرم ...
گوردولر تلی انوب رزمگه شیر گلیر ...
دیلده تکبیر دیور غرشه شمشیر گلیر ...
جنگ ایدیب بیر یره چاتدی او یل حیدرخو ...
الغرض ماردیلن اولدی آقام رودرو ...
کل شاماتیده مارد دئدی مشهورم من ...
مرتضی اوغلی دئدی نورعلی نورم من ...
او دئدی قول ریاست منی سرمست الیوب ...
بو دئدی پست ریاستدی سنی پست الیوب ...
او دئدی تیغه ی برنده ی الماسم من ...
بو دئدی ام بنین اوغلویام عباسم من ...
او دئدی جنگ وجدل فنینه اگاهم من ...
دئدی یوم آغزیوی شاگرد یداللهم من ...
او دئدی مارد معروف منیم آدیمدی ...
بو دئدی حیدر صفدر منیم استادیمدی ...
او دئدی لشگرشام ایچره سپهدارم من ...
بو دئدی لشگر اسلامه علمدارم من ...
او یزیدین دئدی فخریله غلام دریم ...
بودئدی منده بونا فخرالیرم حیدریم ...
اودئدی کوفه سپاهینده بویوک سردارم ...
بودئدی یتمیش ایکی عاشقه پرچمدارم ...
اودئدی هریره گئتسن یولوی من کسرم ...
بودئدی یول کسنی اصغره قربان کسرم ...
اودئدی خیملری ظلمیله من یاندیرام ...
بودئدی یاندیرانین گردنینی سیندیرام ...
من ابالفضل حیدرم اوجا قامت دلاورم ...
یولومون اوسته کیم دورا اصغره قربان کسرم ...