مـا أقـدر أنـسـاك
يـا مـظـلـوم يـا مـظـلوم
***
زيـنـب أنـه و امدوهنه بهالحال
حـيلي انهدم عندي حرم و أطفال
مـن هـالأمر ريت العمر لا طال
و مـن الحزن دمع الجفن دم سال
دلالــي نــاداك
يـا مـظـلـوم يـا مـظـلوم
***
خـان الـدهـر هـاك الخبر مني
قـلـبي انصدع و آنه انقطع ظني
خـذري انـفـقد محد نشد عني
يـلـمـنـصرع هاك استمع وني
صــوبــنــي فــرقـاك
يـا مـظـلـوم يـا مـظـلوم
***
خـاب الأمـل دمعي همل بالنوح
ابصوتي صحت يوم الطحت مذبوح
دمـك يـصـب يعلترب مطروح
و بـهـالوضع ظل الدمع مسفوح
يــلــعـشـت بـحـمـاك
يـا مـظـلـوم يـا مـظـلوم
***
دمـك يـسـح يالمنذبح عطشان
خـاب الـمضن صار الجفن تربان
هـذا الـخـذر ظل يستعر نيران
خـذري انفقد هذا العهد ما جان
مــحــتــاره بــعـداك
يـا مـظـلـوم يـا مـظـلوم
***
فـوق الـثـره مـتوذره جثتك
ابوسط الحرب فوق الترب شفتك
طـاح الـعـمـد يلبشدد ردتك
مـتـغـربـه و مـتصوبه اختك
هـاك الـدمـع هـاك
يـا مـظـلـوم يـا مـظـلوم
***
ابـنـار الـضـمه متألمه روحي
و بـيـن العده اسمع صده نوحي
صـوتي هتف عقبك نشف موحي
دمـعي همه و تجري دمه اجروحي
و بــصــوتــي أنـخـاك
يـا مـظـلـوم يـا مـظـلوم
***
دمـعي سفح قلبي انجرح يا حسين
و مـن الألـم دمعي انسجم بالعين
شـنـطي الوجه وين اتجه لاوين
اخـيـام الطهر تسعر جمر صوبين
مــن عــقـب عـيـنـاك
يـا مـظـلـوم يـا مـظـلوم
الشاعر: الأديب الحاج جابر الكاظمي
