صلیت

مَشّای عَلى وَعدَک صَلّیت لو بَعدَک
لحسین شنو رَدَّک أجِب

قاصِد على حسین بِدَمِع زَکّیها العُیون
لاتَنظُر بِنَظرَة بَشَر بالغِیر مَفتون

لو أذَنِ آذان أعتَنی وَ یّه الیُصَلّون
عَنَّک حسینی مِلتَزِم خَلهِم یَگولون

آداب تَدریها
وَصّاک ، علی بیها
خَلّیک عَلى عَهدَک ، أجِب

مَشّای عَلى وَعدَک صَلّیت لو بَعدَک
لحسین شنو رَدَّک أجِب

حسین یُریدَک من تَزورَه یشوف بِوجهک مُصیبه
تَجری دُموعَک لِأجل الجِثَّه الظَلَّت بالطف سَلیبه

عوف الغیبه سامِح وأعفی ونَفسَک عَنَّک رقیبه
سَفرَه لَربَّک هایِ السَفرَه مو بَس گاصد حبیبه


تَحتاط ، مِن کُل شی
ویّاک نبی یَمشی
لحسین مو وَحدَک ، أجِب

مَشّای عَلى وَعدَک صَلّیت لو بَعدَک
لحسین شنو رَدَّک أجِب

اَُنظُر علیهن لِمِشِن خَواتِک
وأمَّک ویاهِن بالمَشی وبَناتِک

والزَّهرَةِ تمشی وتندعی لنجاتک
زینب علیه تصیحلک جَزاتَک

لحسین خطواتک
غفران زلاتک
إن کان هو قَصدَک ، أجِب

مَشّای عَلى وَعدَک صَلّیت لو بَعدَک
لحسین شنو رَدَّک أجِب

بِالمروى تَمشی والصَّفى بین الإمامین
بالکعبه طایِف لو طَفِت عباس وحسین


حتى الهَوى أحرَم یَحِج یَم أعظم أثنین
لو زعلتهم یاترى غُفرانک منّین

لا تَعوف قرآنک وتطیع شَیطانک
ویُضیع کل مَجدَک ، أجِب

مَشّای عَلى وَعدَک صَلّیت لو بَعدَک
لحسین شنو رَدَّک أجِب

کل خَطُواتَک خطوه بخطوه حسین یُرِدلَک فضلها
مِن تِمشیلَه یُرِد یمشیلَک یومِ المَحشر مثلها

حسین الصوره المایِرسِمها دَمعَه یُضَیِّع شِکِلها
قربانَ الطَف واسماعیله وبیته الجامِع شَمِلها

لحسین دَمعاتَک ترتیل آیاتَک
لومای عَلى خَدَّک ، أجِب

مَشّای عَلى وَعدَک صَلّیت لو بَعدَک
لحسین شنو رَدَّک أجِب

یَالتِمشی لجل حسین أخذ صِفاته
رَغمِ الحرب بس ماتَرَک صلاته

اخذ الحیاتک عِبرَه مِن حیاته
أنسى الهَوى ولاتَنسِه ذکریاته

مِن مات مِن أجلَک
مَفروض یوصَلَّک
شنو راد مِن عِندَک ، أجِب

مَشّای عَلى وَعدَک صَلّیت لو بَعدَک
لحسین شنو رَدَّک أجِب