حـيـرنـي الـوكـت يـوليدي حيرني
و بـاصـرنـي يـالاكـبر قوم باصرني
لــيـل انـهـار أصـرخ يـبـنـي
لــيـل انـهـار أصـرخ يـبـنـي
***
حگ أعـتـب و أريـد اربـاي يالغالي
يـا الـمـشـدود بـيـن ابتوت دلالي
يـا شـمـعـة زمـانـي الضوت آمالي
و مـا جـانـت يالاكبر أبداً ببالي
عـلـه الـحـرمـان تـالـيها تصبرني
و بـاصـرنـي يالاكبر قوم باصرني
لــيـل انـهـار أصـرخ يـبـنـي
لــيـل انـهـار أصـرخ يـبـنـي
***
تـتـمـرجـح جـنـت يالأكبر بقلبي
و بـيـن احـشـاي أحسك يالولد تحبي
بـلـهـفـه الـجـيـتك أتنطر و أربي
يـمـتـه اتـصـير و ايفتش جفن دربي
يـالـلـي اربـاك يـبني اشكثر مرمرني
و بـاصـرنـي يالاكبر قوم باصرني
لــيـل انـهـار أصـرخ يـبـنـي
لــيـل انـهـار أصـرخ يـبـنـي
***
مـهـدك جـان صدري و قلبي لوساده
و اضـلـوعـي صفن لگماطك أشداده
و گلـبـي بـيـك يـبني حقق امراده
و مـا أدري تـحـصـد قـبـل ميعاده
و بـجـفـوف الـزمن يوليدي تسطرني
و بـاصـرنـي يالاكبر قوم باصرني
لــيـل انـهـار أصـرخ يـبـنـي
لــيـل انـهـار أصـرخ يـبـنـي
***
مـن تـعـطش جنت أسگيك بدموعي
و مـن تـبـرد ألـفـك يبني بضلوعي
و مـن تـشـهگ يا يمه ينخطف نوعي
يـا بـهـجـة زمـانـي العلگة اشموعي
و ضـحـاتـك يـلكبر جانت اتسرني
و بـاصـرنـي يالاكبر قوم باصرني
لــيـل انـهـار أصـرخ يـبـنـي
لــيـل انـهـار أصـرخ يـبـنـي
***
أسـهـر الـلـيـل بـعـيوني لمن تغفه
و أخـلـي اضـلوعي يبني اعليك ملتفه
عـلـيـك أختض يلكبر خضت السعفه
يـا وسـفـه تـروح من ايدي يا وسفه
بـكـل ديـره زمـانـي بـعدك يفرني
و بـاصـرنـي يالاكبر قوم باصرني
لــيـل انـهـار أصـرخ يـبـنـي
لــيـل انـهـار أصـرخ يـبـنـي
***
خـذك مـنـي زماني يا وسف يا حيف
و صـارت عـشرتك وياك مثل الطيف
و خلصت و انگضت و آنه أصيحن حيف
گبـلـك ريـت يـايـمه ذبحني السيف
شـفـرات الـمـواضـي ريـت وذرني
و بـاصـرنـي يالاكبر قوم باصرني
لــيـل انـهـار أصـرخ يـبـنـي
لــيـل انـهـار أصـرخ يـبـنـي
الشاعر: السيد سعد الذبحاوي
