حبیتک

مولای یا حسین ...

حبیتک حب عاشق حب عل فطره 
یا خیمه تلم الفقره 
یمک عبد سلم امره 

سمیتک سید دمع عینی ونوحی
احچی اسمک انس جروحی 
ارزقنی الحزن یا مذبوحی

أنا من ضغری ربیت بمأتمک
شنو هو عمری بلاعزاء محرمک 
کل عناوین البشر باچر تمومت
مایعیش بهل زمن بس خادمک 

کل حیاتی کلمتین اسمی خادم للحسین 
موطن حب کربلا روحی بین‌الحرمین 

مولای یا حسین ...

*****

قالولی عن عینک بعید الغالی 
قلتلهم یعیش بالی 
صوره ضریحه بدلالی 

یحچولی جرم مخیمک یچوینی 
نحرک صوره بنص عینی 
بسبی الحرم شی نسینی 

حتی لو عنک بعید بدیرتی 
أنا عیشک یا حسین بخدمتی 
بعینی بانیلک حسینیه حزن 
کل وکیت بخدودی تلطم دمعتی

من بعد ابعث سلام کربلاک و الخیام 
کل وکت عدها العزاء روحی بین‌الحرمین 

مولای یا حسین ...