باتدی گون گلدی گئجه باغریم اولوب قان یارالی

باتدی گون گلدی گئجه باغریم اولوب قان یارالی ...
من سنه هاردا دوتوم شام غریبان یارالی ...
یارالی جان ، یارالی ، قانینه غلتان یارالی ...
زینبین جانی اولا جانیوه قوربان یارالی ...
هله عریان بدنون یرده پریشاندی حسین ...
بو غموندن اوره گیم لاله صفت قاندی حسین ...
اوت ویریب کوفه لیلر خیمه لریم یاندی حسین ...
شرح ائدیم هانسی غمی ، دلده غمیم چوخدی حسین ...
هر غمیم بو یارالی قلبده بیر اوخدی حسین ...
بیر چادر وئرمه سه سعد اوغلی ائویم یوخدی حسین ...
من سنه هاردا دوتوم شام غریبان یارالی ...
یارالی جان ، یارالی ، قانینه غلتان یارالی ...
زینبین جانی اولا جانیوه قوربان یارالی ...
باغبان ئولسه حسین گللری گلشنده سولار ...
غم دوتار گلشنی بلبل اوره گی غمله دولار ...
رسمدیر هر ئولنون شام غریبانی اولار ...
من سنه هاردا دوتوم شام غریبان یارالی ...
قلبیم اکنده اولوب دردیله طوفان گئجه سی ...
شب وصلت قوتاریب باشلادی هجران گئجه سی ...
یاس دوتالار ئولنه شام غریبان گئجه سی ...
من سنه هاردا دوتوم شام غریبان یارالی ...
یارالی جان ، یارالی ، قانینه غلتان یارالی ...
زینبین جانی اولا جانیوه قوربان یارالی ...
بیر قوشام یاره لیم صید ایلیوبلر بالامی ...
نه یانان حالیمه نه خشک ایلین وار یارامی ...
اوچولار حمله ائدوبلر داغیدوبلار یووامی ...
من سنه هاردا دوتوم شام غریبان یارالی ...
گون باتاندان بو چولی زار و پریشان گزورم ...
بالالارون داغیلوب چوللره گریان گزورم ...
لانه سیز قوش کیمی اواره و ویلان گزورم ...
من سنه هاردا دوتوم شام غریبان یارالی ...
یارالی جان ، یارالی ، قانینه غلتان یارالی ...
زینبین جانی اولا جانیوه قوربان یارالی ...