اکبر کفن گیئنده ، لیلا نوایه گلدی
باشین آچوب پیمبر ،زهرا عزایه گلدی
اکبر چیخوب جهاده الله اکبر اوسته
قان قان دیور برنده شمشیری صفلر اوسته
از بس بلا چولونده باش توکدی پیکر اوسته
رزم گران امیر کل قوایه گلدی
زینب گوزون تیکوب_میداندا اکبره
و ان یکاد اوخور_ شبه پیمبره
باشدا عمامه‌سی_سسلندی عمه‌سی
حسینیمین فداسینا آی ماشاءالله
آقالارین آقاسینا آی ماشاءالله
کرب و بلا پیمبری آی ماشاءالله
یاده سالیبدی حیدری آی ماشاءالله
***
مرحب یخان علی تک ال تیغینه آپاردی
ووردی اوزون سپاه کفره صفوفی یاردی
شمشیری گزدیرنده تپراقه قان یاغاردی
حیدر دی بو کانه کرب و بلایه گلدی
ساغ جان قوتارمیوب_رزمینده بیر نفر
یا مرتضی دئوب_شام اهلی تیتریئر
حیدردن اذن آلیر... میدانی فتح اِلیر
علی کیمی قلیچ ویریر آی ماشاءالله
یل لری تپراقا سالیر آی ماشاءالله
پیمبرین اشبهینه آی ماشاءالله
مرتضوی صولتینه آی ماشاءالله
فاطمه دن مدد آلیر آی ماشاءالله
میدانا طنطنه سالیر آی ماشاءالله
غضب یاغان گوزلرینه آی ماشاءالله
حسین دیور اکبرینه آی ماشاءالله
