یحسین بضمایرنا ، صحنا بیک آمنا...

(ياحسين بضمايرنه
صِحنه بيك آمنّه)۲)۴

لا صيحة عواطف هاي
لا دعوه ومجرد رأي

هذي من مبادئنه 
(صِحنه بيك آمنَّه)۲

مر بينه على حبك دور، لا يِنِّسه ولا يِخفه
من عدوانك الچانت، بينه تريد تتشفّه

علينه افرضو أحكام، بلا رحمه ولا رأفه
ثبتنه بثقه وبرهنّه، للظالم رغم أنفه

چنّه من نجي نزورک، على العـاده المأتلفه
يتحجج علينه ايريد، يمنعنه بألف حرفه

ﮔال اللي يزور حسين، وله مهما يكن ظرفه
عليه ميّت ذهب يدفع، رسم ازيارته ايكلفه

شنهو الذهب شنهو المال؟، اليحب يتوطن الحتفه
عنك ما منعنه الخوف، گطعو من ايدينه چفوف

من الالِم ما صحنه (صحنه بيك آمنّه)۲
ياحسين بضمايرنه، صحنه بيك آمنّه