مـكـسورة خاطر جيتك
تـنـظـر حـالي اتمنيتك
**
عـبـاس آنه اختك زينب
مهمومه و خذري اتسلب
عـفت اصواوينك تلهب
و بـلـوعـاتـي اتعنيتك
***
أمـشـي و قايدني المدمع
شـفـتك طايح بالمصرع
ظـنـيـتـك سالم ترجع
يـا خـويه اشقد تانيتك
***
طـول عـالـعيله الموعد
عـطـشانه و عنك تنشد
لـو أدري اتروح و مترد
مـا جـان الجود إنطيتك
***
بـيـن الـعبرات التجري
و بـيـن النيران التسري
جـيـتـك محتاره بأمري
و بـلا جـفينك إلقيتك
***
شـفت إيسارك و ايمينك
و صرت أنحب يم جفينك
و من شفت النبله ابعينك
ابـدم الـمـدمع واسيتك
***
إخـتـك جيتك شجايه
و بـس الـدمعات ويايه
يـمـك مـن شفت الرايه
ابـصـرخات الهم ناديتك
***
آنـه الـمـحشومه ابزودك
اشـقطع يا خويه ازنودك
و من شفت بكترك جودك
ابـصوت المدمع حاجيتك
***
ابراسك من شفت اصوابك
نـاديت ابصوت امصابك
انـشلت ايد اللي صابك
أرداك و هـدم بـيـتك
***
يـالـعـايش بصبي عيني
اشـلـون ابـغربه اتخليني
مـنـهـو الطيبه ايوديني
اتـروح و تـبعد مدريتك
الشاعر: الأيب جابر الكاظمي
