كل خطوة نمشيها

كل خُطوه نَمشيها  مانِستَعَز بيها
هايِ السَنَه لوجه الحسن يازاير اهديها
يستاهل ابشاره الـ ما طفت ناره
گلوله عشرينَ ابصَفَر كل إِحنه خطاره

ونعگدت النيه للاربعينيه... 

****
تلگه الهلا اعله لسانه والعنبر بديوانه
وعمامته براسه
مايگطــع الحياكم و اُمُّ البنين ويــاكم
يستقبل ابناسه

هلا هلا هلا هلا
هلا ويالگهوه فارت
هلا ويالگمه صارت
هلا والشيعه زارت
هلا هلا هلا هلا
هلا بيكم يهلنه
هلا بأهل المحنه
هلا وِهنانه چِنَِه
هلا هلا هلا هلا

يتلگه بالوادم ويحشم القاسم
بويه اعله چيس أُم الحَسن ذاكَه الضعن قادم

خلوني ع الملگه استقبل ابحرگه
بس انتَ وَدّعهم لإن ماتحمل الفَرگه

بِجدوره حنيه للاربعينيه...

****
تتحضرِ المَشايه ونخلي بأول رايه
اسمِ الحسن بيها
يلتم شملنه ابداره كل الدول خطاره
هيه واهاليها

سوه سوه سوه سوه
سوه من كل حضاره
سوه نحيي الزياره
سوه والكل غياره
سوه سوه سوه سوه
سوه نفس القضيه
سوه ضد آل أُميه
سوه يالرافضيه
سوه سوه سوه سوه

السيدِ القائد بين الخَدَم گاعد
اهلاً وسهلاً شرفت ياحضرةِ الوالد

بس أشر وكافي افرشلك اچتافي
مادام ابو القاسم حضر خَلّوني مَتعافي

زادِ العَشِگ بيه للاربعينيه...

****

مايَنظلم والشيعه حدِّ النحور اتطيعه
اكرم بني هاشم
نتصدر اعله اعدانه باسمِ الحسن وخوانه
والمنتظر قادم

صدى صدى صدى صدى
صدى من كل خَريطه
صدى صوتِ الحقيقه
صدى يملئ طريقه
صدى صدى صدى صدى
صدى صَرخة مناحر
صدى من المناير
صدى اَهلاً يزاير
صدى صدى صدى صدى

الانبيا كلها تتوجهِ لـ خلها
هايِ الزياره اصعب لغز ياناصبي يحلها

من رُخصة الأبتر  كل الكتب تَحضر
گِلّهم شُبير بكربلا وبشرّهم ابشُبر

والفَزعه شيعيه لـلاربعينيه... 

****

هايِ الزياره بكيفه شيخ البقيعَ وضيفه
يدلل ويامر
يمه العقد محلوله كل البشر مشموله
يستاهلِ الزاير

مشي مشي مشي مشي
مشي اطهر مسيره
مشي اقدس شعيره
مشي لإبن الأميره
مشي مشي مشي مشي
مشي حر وحَراير
مشي يحيي الضماير
مشي يشفعلي باچِر
مشي مشي مشي مشي

المُجتبى اتحضــر هوَ وعلي الأكبــر
والليله يوصَل حيدره استفسرنه من قنبر

هايِ السنه اعجوبه كل خُطوه محسوبه
واليَمشي زاير مطمئن ينحذفن اذنوبه

والشدّه مَگضيه للاربعينيه...

****


دولة كَرَم شيعيه جمعتهم الحنّیَه
والمذهب الواحد
ولد الحسن واتباعه نتمسك ابطباعه
والعالم ايشاهد

بده بده بده بده
بده زَحفِ النشامه
بده ثارِ الإمامه
بده صوت الكِرامه
بده بده بده بده
بده يلتم شملنه
بده شيعه ويهَ سنه
بده يفرح وطنه
بده بده بده بده

فتوتنه مِن واحد اَلأنزع القائد
گال المذاهب تختلف بس الخلق واحد

الحاقد اندوسه والصاحب انبوسه
كل الطوائف والمِلل بالزهره محروسه

ثورة عِشِگ هيه للاربعينيه...