نظرات
0 نظر ثبت شده
هنوز نظری ثبت نشده است
اولین نفری باشید که نظر میدهد
قلمیم سیر ایله تاریخیده بی واهمه یاز سن
[ مهدی رسولی ]قلمیم سیر ایله تاریخیده بی واهمه یاز سن وضو آل صورا سر مطلعه یا فاطمه یاز سن دئنن اهل ولایه جهالت نقدر ضربه وروب دین خدایه نبی دن صورا امت، نقدر یاره وروب آل عبایه قلم یاز که فقط فاطمه اولدی، اوگون حامی حیدر قیامت ایلدی سوره کوثر ائشیتدی فدکی غصب ایلینر یقیشوبلار هامسی مسجده یکسر خانوم دوردی ایاقه سالوب باشینا معجر او دریای خروشانه اولوب معجری ساحل اولوب فضه و اسما همان کعبیه حائل دوتوبدور حسنون اللرینی ام فضائل نه لازمدی بو رزمنده بئلینده، ائده شمشیر حمائل دولوب سینه سی سوزدن خانیمین مطلبی واردی اگر دقت ائدن یاخشی گوررسن خانیم صول طرفینده، علینون یرینه زینبی واردی آپاریر زینبی دنیایه سالا طنطنه زینب گَرگ ظلم یخان حربه لری اورگنه زینب همان خطبه لری تیر ائده تا که، ورا دشمنه زینب یارالیدی ولیکن شهامت نفسینن یِره غیرت توکولوردی چالیپ چادرین، تُز یِرینه گوهر جنت توکولوردی چخور ائودن او بانو ولی هر قدمینن یره هیبت توکولوردی شجاعت توکولوردی، اُبهت توکولردی ایلیشیب گوشه جلبابی ایاق آتدا قالیردی حرکات و سکناتی باباسی احمد مختاری اوگون یاده سالیردی گئدور مسجده ساری ائله بیل گوندی گئدور گویلره چیخسین ائله بیل طاهادی گئدور منبره چیخسین ائله بیل فاتح خیبر دی گئدور خیبری یِخسین ائله بیل کی گلوب عیسی ائلیه مردن نی احیا ائله بیل بیرده گلوب فتح ایلئه مکه نی طاها گلیب دین و شریعت دیری قالسین گلیبدی هامی آزاده لرین باشین اوجاتسین دوروب داغلارا ئورگدی ثبوتی نفس مجلسی حبس ائتدی سکوتی اول چکدی ئورگدن خانیم آه پوزوب مجلسی ناگاه پیمبر کیمی زهرا دانیشوردی ئورَگدن سینه ده اما آلشوردی خانیم بغض ائلین لحظه ده مجلس قارشوردی اوجالیب ناله سسی آه ندامت یاغیر مسجده بارانِ خجالت خانیم باشلادی اوز خطبه سینی،گوردی جماعت فقالت: ستایش ائدورم خالق یکتانی دمادم خدا دور منه همدم و لَه شکر علی ما اَلهم شهادت وئرورم تکدی خدا حیطه وحدانیتینده شهادت وئرورم تکدی خدا رحمت و رحمانیتینده شهادت وئرورم تکدی خدا حقیله حقانیتینده ائدیب حمد خداوند و صورا محور بو خطبه اولوب بعثت طاها یوزونی دوتدو گنه حضاره هم مهاجرلره هم انصاره ناگهان حمله ائدوبدی، او جریان خبیثه خانیم سسلدی ای فتنهی شورای سقیفه اگر که طمعوز واردی اولا از ظلمیله طاهایه خلیفه دئیون منده بیلیم ای فدکی غصب ائلیلنر هایاندیدوز علی کعبه ده دنیایه گلنده هایاندیدوز علی شانینه مین آیه گلنده هایاندیدوز علی هر گجه معراجه گدنده هایاندیدوز علی بستر طاهاده یاتاندا هایاندیدوز علی لشکر اعدایه وراندا هایاندیدوز علی دینه گوره قانه یاتاندا هایاندیدوز علی سینه کفاری سیخاندا هایاندیدوز علی قله ایمانه چیخاندا هایاندیدوز علی خیبری بیر الی یخاندا علی تک باشینا، اولدی اوگون فاتح میدان چتین ایشلری حیدر اِلیوب سیز لره آسان ندن جراته گلدیز که ائدز نقض بود پیمان سیزی اغوا ائده گر حیله شیطان بونا فخر ائدرم تا دم محشر علیدور منه قبله علیدور منه یاور علیدور منه کعبه علیدور منه رهبر علیدور منه مولا علیدور منه سرور علیدور منه رهبر علیدن سیز اگر اِیلمیسوز یاخچی حمایت بوگون اِیلیورم جانیمی قربان ولایت علیدن دانیشوب حق دیَرم من ایچیب شهد شهادت گئدرم من گئدرم من ولی راه سعادت قالاجاخدی تمام عصریده پژواک بو فریاد عدالت قالاجاخدی بو فریادیمه لبیک دینلر گله جاخدی خانیم آنداولا اول صوت حزینه خانیم آند اولا اول غربت بیحد امیر المومنینه ولایت نفسینن سَسین آلدیخ ستم کاخینی ویران ایلیوب بیز فدکین اولکه سین آلدیخ بو سوزون مدرکی یا فاطمه سربندی دی بانو همان قانه باتان فکه و مجنونیله اروندیدی بانو قسم اولسون او انوار جلیه بوگون سن کیمی بیز سینه سپر ایلیروخ جانه ولیه فدا ایلیروک جانیمیزی سید علیه ولایت یولونا جانلاری تسلیم ائدروخ بیز بو قانلی علمی مهدیه تقدیم ائدروخ بیز ****** شاعر: محمد علی محمدی *******