قـلـبـي عـاشـق كـربـله
اشـلـون أفـارق كـربـلـه
***
كـربـله الأصبحت للعالم شعاع
بـقـعـه طيبه و ما مثلها بالبقاع
شـفه صارت للعلل و اشلون قاع
انـدفـن بيها جسم ابن عقد الوله
***
أرض طيبه و احتوت جسم الحسين
ويـن تحصل مثل هاي الأرض وين
اعليها من كل جانب اتشوبح العين
مـجـد شـامخ إلها علكعبه اعتله
***
كـربله امن الباري نالت هالوسام
أسمه من مكه و منه ووادي السلام
يـنـقبل بيها الدعه ابفضل الإمام
و صـرح بـهـذا الخبر سيد المله
***
كـل نـبـي ايمر بأرضها و يعتني
يـشـم تـربـتها و عليها ينحني
كـربـله موطن احسين و موطني
و عـلـه الـكعبه بالمجد متفضله
***
هـزني شوقي الكربله و دلالي ذاب
هم صدق أرجع و أشم ذاك التراب
و أقـصد المرقد شبل داحي الباب
هـالأمـل جـم ذوب أظل أتأمله
***
لابـد انـحـقـق أملنه مو بعيد
و نـرجـع الـماضي مواكبنه نعيد
و نـنـصب اهناك المآتم من جديد
و بـالـدمـع ذاك الضريح انقبله
الشاعر: الأديب جابر الكاظمي
