غونچا قان آغلار

غنچه قان آغلار گول گلاب آغلار
اصغر آغلار بیکس رباب آغلار

کوکب سحر تئز سوزوب گئدر
ماه شرم ائدر آفتاب آغلار

****

صود امر آنانین دوشون اَمَر
دویسا تئز گولر دویماسا مَلَر

بینوا آنا تَر باسوب گورر
آننی سیلر اشکینی اَلَر

ساق دوشون چکر صول دوشون ویرر
ساکت اولماسا تئز آچوب بَلَر

کیپریگی سانی گوز یاشی توکر
چاره سیز ننه بی حساب آغلار

صحبتین قورتاردی ایکی قوشون
دینینی ساتان مقصده چاتار

مستقر اولوندی شریعه ده
جهلیده یاتان دورت مین اوخ آتار

روبرو دوروب سو یولون کسر
حقه اوخ آتار قانینه باتار

گوزلری آخور عالمی یاخور
قدسیان باخور دل کباب آغلار

حرمله چکیبدی سه شعبه اوخ
ایستیور آتا اوخ دیور کی یوخ

فاطمه باخور منده تاب یوخ
شرمیدن سو اولام تلسمه چوخ

چون بولوردی هاردان گرک دیه
آخ دیدی کماندان چیخاندا اوخ

غنچه قان آغلار گول گلاب آغلار
اصغر آغلار بیکس رباب آغلار