صوت القمر بي ظمة ** من كربلا الفاطمة
ارد الطم على الضلع** بس جف إدي منقطع
من كربله الفاطمة
*****
حزن الماله جف بيا حزن ينقاس
يشوف اللطم صدره واللطم عالراس
اذا قمتوا المجالس لام حسن يا ناس
لطموا بالنيابة وقولوا عن عباس
ارد اسمع من الحضر** الطم بدال القمر
خلوا ام حسن تستمع ** بس جف إدي منقطع
من كربله الفاطمة
******
نعم صوت الظما على اللطم مايندم
عهد من كربله الحد فاطمة المأتم
يالتلطم عيونك وإنت تتألم
إذكر سهم عيني والعليها الدم
صعبة اللطم بالزند** مجلس عزاء الورد
أمنيتي لااعلك شمع** بس جف إدي منقطع
من كربله الفاطمة
**********
جانت أمي من تحجيلي عالزهرة
تعصر قلبي من تحجيلي عالعصرة
الطم عيني لمن تذكر السطرة
تجي تلزم جفوفي زينب الحرة
لاتبجي يابالفضل** تامري وانا امتثل
ترسملي سيف ودرع** بس جف إدي منقطع
من كربله الفاطمة
************
نعم صوت الكفيل يخاطب الخدام
أريد اطلب من الرادود واللطام
أيد بأيد صيوا وصيروا ف إحزام
مجالس هالسنة كون أكثر من العام
عاهدها لام الحسن** مجلسها طول الزمن
من اللطم ماينشبع** بس جف إدي منقطع
من كربله الفاطمة
**********
