سرباز نیوا

زینبَمَه داغ جوون بَدیمَه
عباسی تن ره غرق خون بَدیمَه

از مرد و زن زخم زبون  بَدیمَه
 وَشونی دست تیر و کمون بَدیمَه

رزمنده‌ی دلیر کربلامه
سرباز شیش ماهه‌ی نینوامه 

زینب دستِ من حنا بَدیمَه
 از چهار طرف خدا خدا بَدیمَه

روز عاشورا رِه عزا بَدیمَه
حسین رِه سر نیزه بالا بَدیمَه

رزمنده‌ی دلیر کربلامه 
 سرباز شیش ماهه‌ی نینوامه 

مرگ عزیزون وی می یاد نَشونَه 
شمر بی ایمون می یاد نَشونَه 

اکبر منی جوون می یاد نَشونَه 
رقیه‌ی دل‌خون می یاد نَشونَه

رزمنده‌ی دلیر کربلامه
سرباز شیش ماهه‌ی نینوامه

بَوین می شهیدای با وفا رِه 
ظهر علقمه بَوین منی سقا رِه 

قاسم منی جوون رعنا رهِ 
کوفیِ حرفا و بالا ستاره 

رزمنده‌ی دلیر کربلامه 
سرباز شیش ماهه‌ی نینوامه