دور یارالی، گور زینبون نجه
عشقین عالمینه نشان ویرور
باغرینا باسور، قانلو کوینگون
باغریقان جگر داغلی جان ویرور
باجون سنه قوربان
اولورم حسین جان، اولورم
ایلینده غم لشگری هجوم
رام ایدوب باجون، صبر ناقه سین
حال احتضاریمدی، جسمدن
آز قالور کسه، روح علاقه سین
زینبون ئولور، گل جنازه سی
اوسته باری چک، شال طاقه سین
یوخ گلن باشی، اوسته زینبون
بیر سنه حسینیم، گمان ویرور
باغرینا باسور، قانلو کوینگون
باغریقان جگر داغلی جان ویرور
باجون سنه قوربان
اولورم حسین جان، اولورم
من دیردیم ئولسم، جنازه می
حمل ایدر حسین، قبرایاقینه
اکبر و ابوالفضل و قاسمیم
هم دوشرج جنازم، قباقینه
قویمادی فلک، زینبون یته
دلده کی اولان، اشتیاقینه
عکس آرزومه، بو کوینگون
تار و پودی، شرح و بیان ویرور
من سنون ملال و مصیبتون
بیردقیقه، باشیمدان آتمادیم
سهلدور گیجه، گوندوز آغلادیم
دردیوی اورکدن، چخاتمادیم
سن کول اوسته، قارداش یاتان گیجه
صبح اولونجاهیچ، منده یاتمادیم
آغلادیم دیدیم، هاردا گور عدو
قارداشیما یارب، مکان ویرور
سن جداده، من سوز قلبیله
محمل ایچره، مشغولیدیم سنه
کثرت ایچره، تاپموشدی وحدتی
زینبون یتشموشدی ایمنه
من سنه دیردیم، اورکده کی
دردیمی اشاره یله، سن منه
دمبدم گوروردوم، او درد دل
مرده جسمه، روح و روان ویرور
حیف اولا جفا، اهلی ظلمدن
بیرزمان آنام، اوغلی دویمادی
جسمدن تعدی، لباسینی
قوم کینه، بیر لحظه سویمادی
بیر دویونجا، بیز درد دل ایداخ
اول عجوزه دهر، قویمادی
راس پاکوی، سالدی زحمته
سانمادی اذیت، سنان ویرور
