بیز اهل ولاء

بیز اهل وِلاء شهد بلا شربتیمیزدی
بیر کلمه حسین زمزمه سی وحدتیمیزدی

شش‌گوشه حرم قبله‌ی امنیتیمیزدی 
عباسین او قانلی علمی رأیتیمیزدی 

مهدی آقامیز، شاه قدر قدرتیمیزدی
بیز هیئتی یوخ فاطمه سر هیئتیمیزدی 

(بیز حسینه لشگروخ یولانا باش ورروخ)۲
(آند اولا فاطمییه بیز حسینن دنمروخ)۲

باران بلا یاغسا اگر باشلاریمیزدان 
سالوق یولا دریا سئلی گوزیاشلاریمیزدان

طوفان آییرانمز بیزی یولداشلاریمیزدان
بیز سینه زنوق قان تئز آخار قاشلاریمیزدان

بیگانه ائدر واهمه پرخاشلاریمیزدان 
ئولساقدا گلر ناله لحد داشلاریمیزدان 

بو قار علم شاخص ماهیتیمیزدی 
بیز هیئتی یوخ فاطمه سر هیئتیمیزدی 

(بیز حسینه لشگروخ یولانا باش ورروخ)۲
(آند اولا فاطمییه بیز حسینن دنمروخ)۲

ابی‌عبدالله ابی‌عبدالله...