اسرار بالغاضرية ** اخبار بالغاضرية
***
وقف يمها الزمن واحتار وياها
اسرار الامامة الماعرفناها
***
واجب لو حجينا نحد الابعاد
عن سر الامامة العد علي السجاد
خل الطف قضية بكل زمن تنعاد
وثورة تحارب الطغيان خلاها
***
حضر دفن الامام وغسله بدمعة
لكة اثار الحوافر نابته بضلعة
مقطوع النحر ريحانة لبضعة
عاري وجثته التربان غطاها
***
مسح عنه التراب وقبله بنحره
حضن جسمه الشريف وشم عطر صدره
و قامم او عزاء الفاطمة الزهرة
وبراس النبي المقطوع واساها
***
كل معصوم ندري يصلي عالمعصوم
الشريعة من الاله الواحد القيوم
على احسين السبط محد عرف لليوم
شلون بكربله السجاد صلاها
***
صلاها امام وماتركها تفوت
ولاخلى الرسالة بموت اهلها تموت
اذا حركوا خيم حركوا قبلها بيوت
ناس وضد علي الشيطان غذاها
***
كل ما صار بالطف ضد محمد صار
حصار المر محمد مار بابوالاحرار
مايكدر يزيد بخيمة يشعل نار
لوما شاف قبله باللي السواها
***
نفس هاي السلالة بكل زمان تعود
يزيد بغير اسم يذبح تره وموجود
بعد ذاك الحقد والنار والنمرود
بفعال النواصب كلها شفناها
***
الشاعر: ناظم الحاشي
