كربله يا عباس ارض الغيارى
كربله يا عباس ارض الغيارى
***
ارض البطولة والغيارى اتطوفك
محروسة تبقى يا شهم جفوفك
والزاير اول ما يطبها يشوفك
ويكلك وداعة علي ماعوفك
واليزورك مضمون ياخذ بشارة
***
يالعلمتنه الراية ماننطيها
هذه شرفنا وبالنحر نفديها
توكع ايدينا وبالسما نعليها
احنه ولد حامي الحمة ونحميها
وليضحي لحسين معمورة داره
***
هاي الوسيعة اصغر من ابهامك
كل السلاطين انحنمنت كدامك
ياابوالمراجل من تشد حزلمك
روس النواصب تنسحك باجدامك
رايتك بالافاق تنطي الاشارة
**ه
درس الشهامة بكربلا يدرسونا
بس الروافض تفهم مضمونه
وهواية رادو عنك يبعدونه
رغم المذابح يمك يشوفونه
مانعوفك هيهات اخر عبارة
***
سر بدمانه موسهل تفسيره
من يا فصيلةو الطبيب بحيرة
زائد حمية وراية زائد غيرة
يعني نكلهم حيدر ولاالغيرة
يالتضد الكرار عمرك خسارة
***
حداية عدنه بحضرتك نحجيها
زينب غربيبة والشمر رديها
لو ما تروح الكربله يسبيها
والغيرة انت العلمتنا عليها
ما نشف ياعلباس دمع اليسارة
***
ياغيرة الله زينب تنادينه
ظلت غريبة وهالوضع ياذيه
احنه الجنود ورايتك بيدينه
من نوصللها نلتقي بمهدينا
والحلم راعي الثار يشهر فقارة
***
الشاعر السيد عبدالخالق المحنة
