أبـا الـفـضل بإحساسي...ملك ملك أنفاسي
جسمك توزع ...و إجفوفك أوسع ...من كربلاء
حلمي أرسمك...ما تكفي جسمك ...أرض و سماء
يـا أوفـه حارس...جنح النوارس...يحمل كلام
يـعـني بحضورك ...كل اليزورك ...سلام سلام
عـاشق ترابك...و أبقه إعله بابك ...دمعي يسيل
و أسـمـع مُنادي...بالطف ينادي ...هُنا الكفيل
حـامـل لـواءك...في كربلاءك ...طول الحياة
كـل يوم أسأله ...و يحجي لي عنك ...نهر الفراة
نـبـض الـقـلب عباسي...ملك ملك أنفاسي
جـودك مـليته...جبدك نسيته ...ضامي بُقيت
صـورة عضيدك...مرسومه بيدك ...يالما رويت
قـطـعـت يمينك...زادت حنينك...يم الحسين
قـطـعت شمالك...قل إحتمالك ...مصيوبه عين
آخر جروحك ...تحجيها روحك ...جرح العتاب
رادت تشوفك... شافت جفوفك... فوق التراب
لـمـن إجـتـك... مرعوبه اختك ...تنده تعال
تـنـظـر وضعها... يهمل دمعها... ام الدلال
عـلـمـني ارفع راسي .. مَلِك مِلَك احساسي
الشعر العربي: السيد عبدالخالق المحنّه
