علم جان بيدي إبن عمي وعضيدي
انا الفاقد واخو وصاحب حنين ومن اهلنا
جرح عاش بيّه عمر عشنا سويّه
رحل عني وكسر ظهري وبجيت على المحنة
دمع بعيوني صاح** سفير الغيرة راح
أخو وصاحب
*****
ابوكت بي ميتة المروة لكيته مثل للنخوه
اخوي وصاحب حزام اليشد ظهري
إزلمة وسوالفه حسجة ومتن فوكاه اتوجّه
فقدته وحنية الحاجب حنه ظهري
ياهالناس.. يصح بالدنيا صاحب اخو تحسبه
ياهالناس.. تره مسلم مثل عباس احبه
ومشه عني.. مشه عني
بالدروب راسم وفه بدر الهواشم
ملئ الكوفه وفه وغيرة وغضب من الله سيفه
عالعيون حاجب سلالة ابوطالب
ولا بايع خلافتها وكسر خشم خليفة
على ظلمتهم صباح** سفير الغيرة راح
أخو وصاحب
*****
مواقف غيرته هواية اصيل و كد الحجابة
بزمن قة يصون الزاد والملحة
سلفنه يسولف بطبعه ولاحادي بظهر ربعه
تعادل خير الدنيا صك وحكة
حرامات. التراب يلكط بخيرة ربعنه
.. حرامات ونزل كدام كل شامت دمعنه
الف يلي.. الف ويلي
شهم راح مني اذا سئلوه عني
يكللهم اخو روحي اموت ومااعوفه
بالعيون بيته حسينيه هويته
وفي وبمراية الخوة مثل نفسي اشوفه
انكسر مني جناح** سفير الغيرة راح
أخو وصاحب
*****
الشاعر: كرار حسين الكربلائي
