کربلا گوزلرین آیدین ساربان یولدان یتیشدی

کربلا گوزلرین آیدین ساربان یولدان یتیشدی
پیشوازه چیخ سنی چون غصه لی مهمان یتیشدی

(خوش گلیبسن آقاجان خوش گلیبسن آقاجان۴)

عونیله فضلیله جعفر ام کلثومیله زینب
اوچ یاشنیدا بیر قیزیلان سود امر جانان یتیشدی

کربلا مهمانووه باخ گور نه جاهیلن گلوبدی
پوزماقا اجلالین اما کوفه دن عدوان یتیشدی

کوفه آهنگر لرینون کسبینه رونق وریلدی
چون آچان اوخدان قیلجدان نیزدن دکان یتیشدی

سعی اله مهمان نواز اول نحرووه سقا الینده
مشکی ایستور سو آپارسین خیمیه عطشان یتیشدی

تپراقن آلدی قوجاقه عرشه سلطانون ایاقین
تپرا قیندان عرش اعلایه سپن آلقان یتیشدی

قتله گاهیندن قوپوبدی گور نه واویلا نواسی
سانکی زهرانون حسین وای ناله سی اوردان یتیشدی

مقتلینده حاجریلن قوی خلیل الله دایانسین
بیر باجی قارداش مناده ویرمگه قربان یتیشدی

قوی ملکلر سسله سینلر تلیدن امن یجیبی
باخماقا میدانی اوردان زینب نالان یتیشدی

خندقین جنگینده یخدی کفری تپراقه آتاسی
ایندیده ایماندی سسلور کفریله قان قان یتیشدی

اوچ پر اوخلان التی آیلق اصغره لای لای چال ایندی
قمچیدن زین العبادین دردینه درمان یتیشدی

نیزه نین باشینده باشلار ناقه اوستونده اوشاقلار
گزمگه صحرانی یورقون جانیله جانان یتیشدی

(یا حسین خوش گلدین آقا۴)
***
شاعر : حسنعلی بالایی